ಗುರುಪಾದುಕಾ ಸ್ತೋತ್ರ

ಶ್ಲೋಕ - 1 - ಸಂಸ್ಕೃತದಲ್ಲಿ : ಅನಂತ ಸಂಸಾರ ಸಮುದ್ರತಾರ ನೌಕಾಯಿತಾಭ್ಯಾಂ ಗುರುಭಕ್ತಿದಾಭ್ಯಾಂ ವೈರಾಗ್ಯಸಾಮ್ರಾಜ್ಯದಾಪೂಜನಾಭ್ಯಾಂ ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ

ಕನ್ನಡದಲ್ಲಿ : ಸಂಸಾರ ಶರಧಿ ದಾಟಲು ಭದ್ರನೌಕೆ ಮನಕೆ ಸದ್ಗುರು ಭಕ್ತಿಯನ್ನೀವುದಕೆ ವೈರಾಗ್ಯ ಸಾಮ್ರಾಜ್ಯ ನೀಡುವ ಸಾಧನಕೆ ಗುರುಪಾದುಕಾದ್ವಯಕೆ ಮರಮರಳಿ ನಮಿಪೆ

ವಿವರಣೆ : ನನ್ನ ಗುರುಪಾದುಕೆಗಳಿಗೆ ಪ್ರಣಾಮಗಳು, ಈ ಪಾದುಕೆಗಳು ದೋಣಿಯಂತೆ ನನಗೆ ಅನಂತವಾದ ಸಂಸಾರ ಸಾಗರವನ್ನು ದಾಟಲು ಸಹಾಯಕವಾಗಿದೆ ಹಾಗೂ ಇವುಗಳು ಗುರುವಿನಲ್ಲಿ ಅಪಾರವಾದ ಭಕ್ತಿಭಾವನೆಯನ್ನು ಸ್ಫುರಿಸುತ್ತವೆ ಮತ್ತು ಇವುಗಳನ್ನು ಭಕ್ತಿಯಿಂದ ಪೂಜಿಸುವುದರಿಂದ ನನಗೆ ತ್ಯಾಗದ ಪರಿಧಿಯನ್ನು ತಲುಪಲು ಅತ್ಯಂತ ಸಹಕಾರಿಯಾಗುತ್ತದೆ.

ಶ್ಲೋಕ - 2 - ಸಂಸ್ಕೃತದಲ್ಲಿ : ಕವಿತ್ವವಾರಾಶಿನಿಶಾಕರಾಭ್ಯಾಂ ದೌರ್ಭಾಗ್ಯ ದಾವಾಂಬುದಮಾಲಿಕಾಭ್ಯಾಂ ದೂರೀಕೃತಾನಮ್ರ ವಿಪತ್ತತಿಭ್ಯಾಂ ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ

ಕನ್ನಡದಲ್ಲಿ : ಕವಿತ್ವ ಸಾಗರಕೆ ತುಂಬು ಚಂದಿರನಂತೆ ದೌರ್ಭಾಗ್ಯದುರಿ ತಣಿಪ ನೀರದ ಮಾಲೆಯಂತೆ ಮಣಿವವರ ವಿಪದಗಳನೋಡಿಸುವ ಸಾಧನಕೆ ಗುರುಪಾದುಕಾದ್ವಯಕೆ ಮರಮರಳಿ ನಮಿಪೆ

ವಿವರಣೆ : ಗುರುಪಾದುಕೆಗಳು ಜ್ಞಾನಸಾಗರ, ಪೂರ್ಣಚಂದ್ರನನ್ನು ಹೋಲುವುದು ಹಾಗೂ ದುರದೃಷ್ಟವೆಂಬ ಬೆಂಕಿಯನ್ನು ಪಾದುಕೆಗಳು ನೀರಿನಂತಾಗಿ ನಂದಿಸುತ್ತವೆ ಹಾಗೂ ಯಾರು ಈ ಪಾದುಕೆಗಳಿಗೆ ನಮಸ್ಕರಿಸುವರೋ ಅವರ ಎಲ್ಲ ಆತಂಕಗಳೂ ದೂರಾಗುವುದು. ಅಂಥಹ ಗುರುಪಾದುಕಾದ್ವಯಗಳಿಗೆ ಸದಾ ಪ್ರಣಾಮಗಳು.

ಶ್ಲೋಕ - 3 - ಸಂಸ್ಕೃತದಲ್ಲಿ : ನತಾ ಯಯೋಃ ಶ್ರೀ ಪತಿತಾಂ ಸಮೀಯುಃ   ಕದಾಚಿದಪ್ಯಾಶು ದರಿದ್ರವರ್ಯಾಃ ಮೂಕಾಶ್ಚವಾಚಸ್ಪತಿತಾಂ ಹಿ ತಾಭ್ಯಾಂ ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ

ಕನ್ನಡದಲ್ಲಿ : ಅಪರೂಪಕೊಮ್ಮೆ ಮಣಿವ ಬಡವಂಗು ಸಂಪತ್ತಿನೊಡೆತನವನೀವ ಕಲ್ಪದ್ರುಮಕೆ ಮೂಕನನು ವಾಚಸ್ಪತಿಗೈವ ಸಾಧನಕೆ ಗುರುಪಾದುಕಾದ್ವಯಕೆ ಮರಮರಳಿ ನಮಿಪೆ

ವಿವರಣೆ : ಯಾರು ಗುರುಪಾದುಕೆಗಳ ಮುಂದೆ ಸಾಷ್ಟ್ರಾಂಗ ನಮಸ್ಕರಿಸುವರೋ ಅವರು ಕಡುಬಡವರಾಗಿದ್ದರೂ ಸಹ,  ಅವರಿಗೆ ಎಲ್ಲ ಸಂಪತ್ತುಗಳೂ ಒಲಿಯುವವು ಹಾಗೂ ಮಾತನಾಡಲು ಬಾರದಿರುವವರೂ ಸಹ ಮಹಾನ್ ವಾಗ್ಮಿಗಳಾಗುವರು. ಅಂಥಹ ಗುರುಪಾದುಕಾದ್ವಯಕೆ ಅನಂತ ನಮಸ್ಕಾರಗಳು.

ಶ್ಲೋಕ - 4 - ಸಂಸ್ಕೃತದಲ್ಲಿ : ನಾಲೀಕನೀಕಾಶ ಪದಾಹೃತಾಭ್ಯಾಂ ನಾನಾವಿಮೋಹಾದಿ ನಿವಾರಿಕಾಭ್ಯಾಂ ನಮಜ್ಜನಾಭೀಷ್ಟತತಿ ಪ್ರದಾಭ್ಯಾಂ ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ

ಕನ್ನಡದಲ್ಲಿ : ನಾನಾ ವಿಮೋಹಗಳ ದೂರಗೈವಂಥ ನಮಿಪ ಭಕ್ತರಭೀಷ್ಟ ಪೂರೈಸುವಂಥ ಪದ್ಮಪಾದರು ಕಂಡು ಪೂಜೆಗೈದಂಥ ಗುರುಪಾದುಕಾದ್ವಯಕೆ ಮರಮರಳಿ ನಮಿಪೆ

ವಿವರಣೆ : ಗುರುಪಾದುಕಾದ್ವಯವು ನಮ್ಮನ್ನು ಗುರುಗಳ ಕಮಲದಂತಿರುವ ಪಾದದೆಡೆಗೆ ಆಕರ್ಷಿಸುವುದು ಹಾಗೂ ಅದು ಬೇಡವಾದ ಆಸೆಗಳಿಂದ ನಮ್ಮನ್ನು ಗುಣಪಡಿಸುವುದು ಮತ್ತು ಈ ಪಾದಗಳು ಯಾರು ನಮಸರಿಸುತ್ತಾರೋ ಅವರ ಎಲ್ಲ ಸಕಾರಾತ್ಮಕ ಆಸೆಗಳನ್ನು ಪೂರೈಸುತ್ತದೆ. ಅಂಥಹ ಗುರುಪಾದುಕೆಗಳಿಗೆ ಅನಂತಾನಂತ ನಮಸ್ಕಾರಗಳು.

ಶ್ಲೋಕ - 5 - ಸಂಸ್ಕೃತದಲ್ಲಿ : ನೃಪಾಲಿಮೌಲಿವ್ರಜರತ್ನಕಾಂತಿ- ಸರಿದ್ವಿರಾಜತ್ ಝಷಕನ್ಯಕಾಭ್ಯಾಂ ನೃಪತ್ವದಾಭ್ಯಾಂ ನತಲೋಕಪಂಕ್ತೇಃ ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ

ಕನ್ನಡದಲ್ಲಿ : ನೃಪಸಮೂಹದ ಮುಕುಟಮಣಿಕಾಂತಿ ಹೊಳೆಯಲ್ಲಿ ಮಿರುಗುತಿಹ ಮತ್ಸ್ಯಕನ್ನೆಯರಂತೆ ಪೊಳೆವ ನಮಿಪ ಲೋಕದ ಜನಕೆ ರಾಜತ್ವವೀವ ಗುರುಪಾದುಕಾದ್ವಯಕೆ ಮರಮರಳಿ ನಮಿಪೆ

ವಿವರಣೆ : ನಮ್ಮ ಗುರುಪಾದುಕಾದ್ವಯಗಳು ರಾಜನ ಕಿರೀಟದಲ್ಲಿರುವ ಪ್ರಜ್ವಲಿಸುವ ವಜ್ರದಂತೆ ಕಂಗೊಳಿಸುವುದು ಹಾಗೂ ಮೊಸಳೆಗಳಿಂದ ಕೂಡಿರುವ ಕೊಳದಲ್ಲಿ ಮಿರುಗುವಂತೆ ಕಾಣಿಸುವ ಮತ್ಸ್ಯಕನ್ಯೆಯಂತೆ ಕಂಗೊಳಿಸುವುದು ಹಾಗೂ ಇವುಗಳು ಭಕ್ತರನ್ನು ರಾಜ ಪದವಿಗೆ ಕೊಂಡೊಯ್ಯುವುದು. ಈ ವಿಧದ ಗುರುಪಾದುಕಾದ್ವಯಗಳಿಗೆ ನಮಸ್ಕಾರಗಳು.

ಶ್ಲೋಕ - 6 - ಸಂಸ್ಕೃತದಲ್ಲಿ : ಪಾಪಾಂಧಕಾರಾರ್ಕ ಪರಂ ಪರಾಭ್ಯಾಂ ತಾಪತ್ರಯಾಹೀಂದ್ರ ಖಗೇಶ್ವರಾಭ್ಯಾಮ್ ಜಾಡ್ಯಾಬ್ಧಿಸಂಶೋಷಣ ವಾಡವಾಭ್ಯಾಂ ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ

ಕನ್ನಡದಲ್ಲಿ : ಪಾಪಗತ್ತಲೆರಾಶಿ ತರಿವ ರವಿಕಿರಣ ತಾಪತ್ರಯದ ಸರ್ಪಗಡಣಕ್ಕೆ ಗರುಡ ಆಲಸ್ಯ ಸಾಗರವ ಕುಡಿವ ಬಡಬಾಗ್ನಿ ಗುರುಪಾದುಕಾದ್ವಯಕೆ ಮರಮರಳಿ ನಮಿಪೆ

ವಿವರಣೆ : ನಮ್ಮ ಗುರುಪಾದುಕಾದ್ವಯಗಳು ಅನೇಕ ಸೂರ್ಯರಂತೆ ದೇದೀಪ್ಯಮಾನವಾಗಿ ಬೆಳಗುತ್ತಾ ಕತ್ತಲನ್ನು ಹೊಡೆದೋಡಿಸುವುದು ಮತ್ತು ಗರುಡ ಪಕ್ಷಿಗಳ ರಾಜನಂತೆ ಕಂಗೊಳಿಸಿ ದುಃಖಗಳ ಸರ್ಪಗಳನ್ನು ದೂರಮಾಡುವುದು ಹಾಗೂ ಇವುಗಳು ಅಜ್ಞಾನ ಸಾಗರವನ್ನು ಸಂಪೂರ್ಣವಾಗಿ ಬತ್ತಿಸುವ ಭಯಂಕರ ಬೆಂಕಿಯಂತಿರುವುದು. ಇಂಥಹ ಗುರುಪಾದುಕಾದ್ವಯ ಗಳಿಗೆ ಅನಂತ ನಮಸ್ಕಾರಗಳು.

ಶ್ಲೋಕ - 7 - ಸಂಸ್ಕೃತದಲ್ಲಿ : ಶಮಾದಿಷಟ್ಕಪ್ರದವೈಭವಾಭ್ಯಾಂ ಸಮಾಧಿದಾನ ವ್ರತ ದೀಕ್ಷಿತಾಭ್ಯಾಂ ರಮಾಧವಾಂಘ್ರಿ ಸ್ಥಿರಭಕ್ತಿದಾಭ್ಯಾಂ ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ

ಕನ್ನಡದಲ್ಲಿ : ಶಮೆ ಮೊದಲಿನಾರು ಗುಣ ಸಂಪದನೀವ ಸಮಾಧಿಯೆಡೆಗೊಯ್ವ ಕಡುದಿವ್ಯ ಮಹಿಮೆ ರಮೆಯೊಡೆಯನ ಚರಣ ದೃಢಭಕ್ತಿಯನ್ನೀವ ಗುರುಪಾದುಕಾದ್ವಯಕೆ ಮರಮರಳಿ ನಮಿಪೆ

ವಿವರಣೆ : ಗುರುಪಾದುಕಾದ್ವಯಗಳು ಶಮೆಯಂಥ ಆರು ಗುಣಗಳನ್ನು ಹೊಂದಲು ಸಹಕಾರಿಯಾಗುತ್ತದೆ ಹಾಗೂ ಇವುಗಳು ವಿದ್ಯಾರ್ಥಿಗಳಿಗೆ ಶಾಶ್ವತ ಸಮಾಧಿ ಸ್ಥಿತಿಯನ್ನು ತಲುಪುವ ಸಾಮರ್ಥ್ಯವನ್ನು ನೀಡುತ್ತದೆ ಮತ್ತು ವಿಷ್ಣುವಿನ ಪಾದದಲ್ಲಿ ನಿರಂತರ ಭಕ್ತಿಯುಂಟಾಗಲು ಸಹಕಾರಿ ಯಾಗುತ್ತದೆ. ಇಂಥಹ ಗುರುಪಾದುಕಾದ್ವಯಗಳಿಗೆ ನಮಸ್ಕಾರಗಳು.

ಶ್ಲೋಕ - 8 - ಸಂಸ್ಕೃತದಲ್ಲಿ : ಸ್ವಾರ್ಚಾಪರಾಣಾಮಖಿಲೇಷ್ಟದಾಭ್ಯಾಂ ಸ್ವಾಹಾಸಹಾಯಾಕ್ಷ ಧುರಂಧರಾಭ್ಯಾಂ ಸ್ವಾಂತಾಚ್ಛಭಾವಪ್ರದಪೂಜನಾಭ್ಯಾಂ ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ

ಕನ್ನಡದಲ್ಲಿ : ಆತ್ಮಸಂಧಾನಗೈವಗಖಿಲೇಷ್ಟವನು ಕೊಡುವ ಮುಕ್ಕಣ್ಣನನೆ ಧರಿಸಿ ಬೆಳಗುತಿರುವ ಭಕ್ತಿಯಿಂದರ್ಚಿಪಗೆ ನಿರ್ಮಲಾಂತಃಕರಣವನೀವ ಗುರುಪಾದುಕಾದ್ವಯಕೆ ಮರಮರಳಿ ನಮಿಪೆ

ವಿವರಣೆ : ಗುರುಪಾದುಕಾದ್ವಯಗಳು ಅವುಗಳನ್ನು ಸೇವಿಸುವ ಭಕ್ತರ ಎಲ್ಲ ಕಾಮನೆಗಳನ್ನು ದಯಪಾಲಿಸುವುದು ಹಾಗೂ ಪ್ರಾಮಾಣಿಕವಾಗಿ ಹಂಬಲವಿರುವವನಲ್ಲಿ ಆತ್ಮಸಾಕ್ಷಾತ್ಕಾರದ ದೈವೀ ಸ್ಥಿತಿಯನ್ನು ತಲುಪಲು ಎಚ್ಚರಿಸುತ್ತದೆ. ಇಂಥಹ ಗುರುಪಾದುಕಾದ್ವಯಗಳಿಗೆ ನನ್ನ ಭಕ್ತಿಪೂರ್ವಕ ನಮನಗಳು.

ಶ್ಲೋಕ - 9 - ಸಂಸ್ಕೃತದಲ್ಲಿ : ಕಾಮಾದಿಸರ್ಪವ್ರಜಗಾರುಡಾಭ್ಯಾಂ ವಿವೇಕವೈರಾಗ್ಯನಿಧಿ ಪ್ರದಾಭ್ಯಾಂ ಬೋಧಪ್ರದಾಭ್ಯಾಂ ದ್ರುತಮೋಕ್ಷದಾಭ್ಯಾಂ ನಮೋ ನಮಃ ಶ್ರೀ ಗುರು ಪಾದುಕಾಭ್ಯಾಂ

ಕನ್ನಡದಲ್ಲಿ : ಕಾಮಾದಿ ಸರ್ಪಗಡಣಕ್ಕೆ ಗರುಡ ವಿವೇಕ-ವೈರಾಗ್ಯ ನಿಧಿಯೀಯುವೆಸಕ ಪರಮಸತ್ಯವನರುಹಿ ಕ್ಷಿಪ್ರ ಮೋಕ್ಷವನೀವ ಗುರುಪಾದುಕಾದ್ವಯಕೆ ಮರಮರಳಿ ನಮಿಪೆ

ವಿವರಣೆ : ಗುರುಪಾದುಕಾ stotra ಗುರುಪಾದುಕಾದ್ವಯಗಳು ಆಸೆಯೆಂಬ ಸರ್ಪಗಳಿಗೆ ಗರುಡನಂತೆ ಹಾಗೂ ಅವುಗಳು ಅಮೂಲ್ಯ ನಿಧಿಗಳಾದ ತಾರತಮ್ಯ, ತ್ಯಾಗಮನೋಭಾವ ಮತ್ತು ಜ್ಞಾನಗಳನ್ನು ನೀಡುವುದು ಮತ್ತು ಜೀವನ ಸಂಕೋಲೆಯಿಂದ ಕ್ಷಣಾರ್ಧದಲ್ಲೇ ಬಿಡುಗಡೆಯನ್ನು ಹೊಂದಲು ಆಶೀರ್ವದಿಸುತ್ತದೆ. ಇಂಥಹ ಗುರುಪಾದುಕಾದ್ವಯಗಳಿಗೆ ನನ್ನ ಅನಂತಾನಂತ ನಮನಗಳು.

ಲೇಖನದ ಮೂಲ : ಸಂಸ್ಕೃತ ಶ್ಲೋಕಗಳು : vignanam.org ಕನ್ನಡ ಶ್ಲೋಕಗಳು : ಸವಿಗನ್ನಡ ಸ್ತೋತ್ರಚಂದ್ರಿಕೆ ವಿವರಣೆಗಳು : hindupedia.com  vmission.org you tube ನಲ್ಲಿ ವೀಡಿಯೋ ವೀಕ್ಷಣೆಗಾಗಿ ⇒ https://youtu.be/kqnkNErkwrw